“Ne’e maka ha’u bele promete ba militante no simpazitante sira hotu katak laiha aliansa (…). Balun mai hakbesik ha’u dehan agora ita ba servisu hamutuk, ne’e laiha. Ida ne’e maka ha’u nia liafuan”, dehan nia, iha Sede Comite Central FRETILIN (CCF), horisehik.

Alende ne’e, kona-ba rezultadu votasaun iha Oekusi, Sekjer FRETILIN ne’e la fiar. Tanba ne’e, sei buka tuir hodi hatene klaramente saida mak akontese iha Ambenu.

“Ha’u la fiar rezultadu iha Oekusi ne’e, husi Oekusi maka ha’u halo investigasaun hela atu fó provas mai”, dehan nia.

Alkatiri akresenta, bainhira iha duni faktu kona-ba Oekusi, FRETILIN sei aprezenta reklamasaun ba tribunál hodi prosesa.

Bainhira laiha faktu ruma FRETILIN nafatin sei halo opozisaun ne’ebé la sai ai-tonka ba ema ida.