Partidu foun ne’ebé lidera husi Grigoria Saldanha ho naran Partidu Timor Forte (PATIFOR) daudauk ne’e serbisu maka’as hodi buka “maluk”—naran bolu-malu ba membru Patifor, hanesan Kamarada iha partidu Fretilin—atu bele priense rekezitus hodi partisipa iha festa demokrasia iha 2023.

“Ha’u hanoin ami hetan oportunidade di’ak tebes nu’udar partidu foun atu mai to’o baze, felizmente iha baze ami-nia simpatizante benvindu mai ho di’ak, fó apresiasaun no ami mós simu sira konsidera katak ami sai maluk iha partidu laran, tanba iha filozófia partidu laran ami bolu malu maluk, la’os konpañeiru," dehan nia bá jornalista sira iha sede Patifor, Vila Verde, Sabadu (09/08).

Nia hatete, Patifor hahú buka maluk husi Dili no sei kontinua ba munisipiu sira hanesan Baukau, Vikeke, Manatuto, Bobonaro, no Kovalima.

“Felizmente, iha teritoriu Timor laran ami instala ona maibé seidauk la’o hotu tanba tuir rekezitus husi CNE ninian hatete ita tenke prense rekezitus ne’e, ne’ebé kada munisípiu tenke hetan mill,” dehan nia.

Daudauk ne’e, nia hatutan, Patifor estabelese hela no seidauk konsege atinze rekezitus ne’ebé iha.

"Kona-ba estrutura ami uza ami-nia metodu rasik, katak ami instala ema ba atu rekolla kartaun atu bele priense rekezitus no karik buat hotu loos ona, sei ba kongresu atu instala estrutura, no kundu iha kongresu ona ne’e definituvu estruturadamete sei iha prezidente, sekertariu jeral, no husi ne’e ami bele fó ona tomada de pose ba estrutura partidu nian iha baze," katak nia.

Maske seidauk konsege to’o tarjetu, maibé nia dehan, Patifor iha garantia no laiha dúvida atu bele priense rekezitus ne’ebé iha.

“Tanba ami kombina ho ema rezisténsia balun no grupu ki’ik-oan balun, husi ne’e ami fiar katak ami sei priense rekezitus ne’ebé CNE fó sai.”

Tuir planu, nia hatete, Patifor sei kontinua halo konsolidasaun iha baze, tanba iha tinan 2023 nu’udar alvu ikus liu ba Patifor.

“Kunadu ami atinze ona 20 mill par prense rekejitus CNE nian, ami sei alarga to’o iha baze, instala iha baze no imediatamente ami sei fó pose. Antes tama ba kongresu nasioal ami estabelese ona estrutura baze atu nune’e sira bele mai parstisipa kongresu nasional ne’e,” nia dehan.