Sábadu, 18 Janeiru 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-01-17&metrics=ga%3Avisits&dimensions=ga%3Ayear&start-index=1&max-results=1000: (403) Quota exceeded for quota group 'default' and limit 'Queries per day' of service 'analytics.googleapis.com' for consumer 'project_number:402577812915'.
Mate isin tula ho motor husi mortuariu HNGV ba uma Mate isin tula ho motor husi mortuariu HNGV ba uma Foto Liu husi kanal RTTL

Mate Isin Tula ho Motór Husi HNGV ba Uma Featured

DILI: Motorista karreta funeráriu ne’ebé servisu iha Ministériu Solidariedade Sosiál (MSS) halo greve servisu tanba durante fulan rua la simu salariu. Kauza husi asaun mate isin iha mortuariu Hospital Nasionál Guido Valadares (HNGV) abandonadu.

Mate isin balun família tula de’it ho motorizada tanba laiha karreta funeráriu hodi transporta mate isin sira ne’e.

Família mate isin, Feliciano Alves, komunidade Atauru hateten, nia oan mate iha kabun laran. Labarik ne’e mate iha segunda (12/3), rai hela iha mortuariu.

Tanba laiha transporte estadu nian ne'ebé bele suporta lori mate isin ne’e, iha tersa (13/4), família sira dezarraska hodi tula ho motór no lori ho ró privadu ba iha Atauru.

“Ha’u sente triste tebes bainhira mate isin tula de’it iha motór. Ospitál la atende ida ne’e,” dehan Feliciano iha HNGV, Bidau, horisehik.

Ne’e duni, husu atu aban-bainrua akontese problema hanesan ne’e Governu tenke ajuda lori mate isin ne’e husi Dili ba Atauru. Labele husik abandona povu sira iha momentu sira hetan difikuldade.

“Ami hakarak hein ambulánsia mai, maibé ami hakarak husu tanba saida mak ambulánsia mogok (greve) fali”, tenik nia.

Entretantu, Parlamentu Nasionál husu parte MSS atu hadi'a nia jestaun tanba iha akontesimentu ne'ebé iha.

Deputadu Eládio Faculto hatete, problema ne’e akontese tanba la tau prioridade ba motorista funeráriu hodi hamosu greve.

Ne’e duni, husu atu ministériu sira tenke haree didi'ak trata motorista sira kuandu sira servisu iha mós nesesidade.

Tanba ne’e ministériu sira iha liña servisu bele hamutuk hodi atende lalais traballadór sira nia preokupasaun atu bele kontinua servisu hikas fali hodi atende públiku nia nesesidade.

Iha fatin hanesan, deputadu Paulo Moniz Maia hateten, saláriu funsionáriu sira nian mak atrazadu hatudu katak jestaun no sistema pagamentu ladún di'ak.

Ne’e duni, presiza atu hadi’a lalais se lae bele fó impaktu makaas ba servisu estadu nian ne'ebé halo atendimentu ba povu sira.

Hataan ba kestaun ne’e, Diretór Solidariedade Sosiál, Mateus da Silva hatete, karreta funerál halo greve ne’e problema ki'ikoan, maibé sira konsege rezolve no agora komesa halo ona servisu hanesan baibain.

“Provizóriu husi diresaun nasionál asisténsia sosiál mak sei asegura hela servisu ne’e”, tenik nia.

Nia esplika, motorista sira ninia osan viajen sai han tempu tanba prosesu la la'o. Ne’e duni, sira hakarak lalais maibé lakohi atu hatene kona-ba prosesu burokrasia ne’ebé la’o hela iha instituisaun governu ne’e. 

Read 590 times Last modified on Kuarta, 15 Marsu 2017 10:57
Rate this item
(0 votes)

About Author

MidAd1