02 Fevereiru, Pozitivu Foun iha Na’in 31

Abril 27, 2024

Nasional

02 Fevereiru, Pozitivu Foun iha Na’in 31 ^Featured

By Saturnina da Costa Fevereiru 02, 2022 421

Rezultadu teste, pozitivu Covid-19. Foto:Dok.

DILI: Koordenadóra Jeral Surtu Covid-19 iha Ministeriu Saúde, Dra. Odete da Silva Viegas, hatete, kazu pozitivu foun Covid-19 neebé relata ohin (02/02), iha Dili na’in 31.

Ho nunee, total kazu ativu neebé iha sala izolamentu hamutuk na’in 268.

“Númeru kazu detetadu foun 31 ho taxa pozitividade iha pursentu 2,4 no kazu rekuperadu ohin laiha,”dehan nia iha komunikadu neebé Online INDEPENDENTE asesu, kuarta nee.

Nia hatutan, total komulativu kazu konfirmadu sura husi loron 21 fulan-Marsu tinan 2020 too 02 Fevereiru 2022 hamutuk 20.136 no óbitu iha na’in 122.

Entretantu, iha oras 24 nia laran, teste PCR neebé Laboratoriu Nasional Saúde halo iha Dili hamutuk 93, kompostu husi, vijilansia sentinela na’in 25, rastreiu ba kontaktu iha na’in 22, rastreiu ba aleatóriu iha 25, viajen internasional na’in 19 no follow up iha kuarentena na’in 2.

Aleinde, teste PCR neebé halo iha munisipiu sira seluk, RAEOA no HNGV hamutuk 81.

Rate this item

(0 votes)

Last modified on Kinta, 03 Fevereiru 2022 08:55