01 Fevereiru, Dili Rejista Pozitivu Foun Na’in 158

Novembru 23, 2024

Nasional

01 Fevereiru, Dili Rejista Pozitivu Foun Na’in 158 ^Featured

By Saturnina da Costa Fevereiru 01, 2022 653

Rezultadu teste PCR hatudu pozitivu Covid-19. Foto:Dok/INDEPENDENTE.

DILI: Koordenadóra Jeral Surtu Covid-19 iha Ministeriu Saúde, Dra. Odete da Silva Viegas, hatete, kazu foun Covid-19 neebé relata ohin (01/02), hamutuk na’in 159 kompostu husi, Dili iha kazu 158 no Bobonaro iha kazu ida.

Ho nunee, total kazu ativu neebé iha sala izolamentu hamutuk na’in 237.

“Númeru kazu detetadu foun 159 ho taxa pozitividade iha pursentu 2,5 no kazu rekuperadu ohin, iha na’in tolu,”dehan nia iha komunikadu neebé Online INDEPENDENTE asesu, tersa nee.

Nia hatutan, total komulativu kazu konfirmadu sura husi loron 21 fulan-Marsu tinan 2020 too 01 Fevereiru 2022 hamutuk 20.105 no óbitu iha na’in 122.

Entretantu, iha oras 24 nia laran, teste PCR neebé Laboratoriu Nasional Saúde halo iha Dili hamutuk 783, kompostu husi, rastreiu ba kontaktu iha na’in 95, rastreiu ba aleatóriu iha 603 no viajen internasional hamutuk na’in 85.

Aleinde, teste PCR neebé halo iha munisipiu sira seluk, RAEOA no HNGV hamutuk 37.

Rate this item

(0 votes)

Last modified on Kinta, 03 Fevereiru 2022 08:58