Vizita husi Bispu na’in tolu ne’e hala’o iha kuarta-feira ne’e iha Palasiu Governu.
Hafoin remata enkontru ba imprensa sira, Prezidente Konferénsia Episkopal Timorense (CET-sigla Portugés) Don. Basilio do Nascimento hatete, vizita ne’e hanesan fó kumprimentus kortezia ba Xefe Governu ne’ebé foin simu posse nu’udar Primeiru Ministru ba VIII Governu Konstitusionál.
Hatán ba imprensa kona-ba pontu de vista Igreja nian ba Xefe Governu, Don Basilio hatán, biar Primeiru Ministru ema foun maibé nia iha esperiénsia hatene koñese Timor lubuk ida, tanba antes assume pasta Primeiru Ministru, dahuluk hanesan komandante FALINTIL iha ai-laran, Xefia Forsa Armada F-FDTL no hanesan Prezidente Repúblika.
Tanba ne’e Bispu Dioseze Baucau ne’e tau fiar ba Xefe Governu ne’e atu hakotu problemas ne’ebé akontese iha rai laran.
“….i hodi kontinua dehan katak agora hanesan faze ida buka hela dalan halo diagnóstiku nune’e bele identifika problema, atu Governu bele responde,”dehan Bispu liu husi komunikadu imprensa husi Gabinete Primeiru Ministru Taur Matan Ruak, ne’ebé portal Jornal INDEPENDENTE asesu.
