Sekretáriu Estadu Ambiente Demetrio.D.A.D.Carvalho, terca-Feira horsehik hala’o sorumutu ho Country Director ADB (Asian Development Bank), Paolo Spantigati ho nia delegasaun, iha Servisu Fatin SEA mandarin-Dili.

Iha sorumutu ne’e ko’alia kona ba projétu konstrusaun estrada diresaun Aipelu, Bazartete, Ermera no Fatubesi no mos diresaun sira seluk iha Timor laran tomak ne’ebé finansia husi ADB no mos Global Enviromental Facility.

Tamba projétu balun seidauk iha lisensa ambiental no balun sei iha prosesu renova lisensa ambiental.

Liu husi sorumutu ne’e, parte rua ne’e desidi ona iha tempu badak sei hala’o enkontru hodi involve Ministério Obras Publika, ANP, Project Manajement Unit ne’ebé tau matan ba projétu sira ne’e hotu no mos ADB.