×

Atenção

JUser: :_load: Não foi possível carregar usuário com ID: 422

JUser: :_load: Não foi possível carregar usuário com ID: 428

Kompañia 12 Teste Rotina Ba Sampel Bee Moos iha DNSA

By Fevereiru 24, 2017 2826
kompania Aqua sira iha Timor-Leste kompania Aqua sira iha Timor-Leste

DILI: Kompañia Água Potabel haat (12) durante ne’e hala’o teste rotina ba sira nia kualidade sampel bee moos iha laboratóriu Diresaun Nasionál Servisu Água (DNSA).

Teste ne’e DNSA hala’o ba kompañia 12 no iha kompañia boot 4 maka husu halo teste ba sampel bee moos kada fulan hanesan,  GOTA,VIP, W-MORI no COOL.

Ba kompañia 8 seluk hanesan,  TOP Fress, Golden Agua, Ira-Mor,Bee-Mor, Elite, Sun Internasionál,no Chiled hosu halo teste ba sampel bee moos fulan tolu dala ida.

Diretór Nasionál DNSA, Rui de Sousa dehan, teste ba sampel bee moos halo kada fulan hodi haree bee moos ninia kualidade molok, kompañia sira hala’o produsaun fabrika água tenke ho kualidade hodi garante seguran saúde bee moos ba ema hotu-hotu.

“Ami iha ne’e halo teste ba sampel ne’ebé sira (kompañia) husu, tanba Ministériu Saúde maka haree nia kualidade ba bee,”dehan Diretór Nasionál DNSA, Rui ba jornalista iha nia knaar fatin Kaikoli, horisehik.

Nia hatutan, iha teste ne’e maka sira haree bee la iha kualidade sira sei koordena fali ho kompañia atu hadi'a ninia filtru bee moos tenke hamoos beibeik para produs bee ho di’ak.

Durante halo teste, iha laboratóriu DNSA uza kritériu 15 hanesan, haree ba kualidade ba bee labele iha kór, iss, no baktéria no kriteriu seluk tan haree sistema servisu iha fabrika  água potabel sira.

Kompañia 12 ne’e hetan ona sertifikadu hosi Ministériu Saúde no Organizasaun Saúde Mundiál (WHO) hodi legaliza fabrika bee água potabel .

 

Rate this item
(0 votes)

Independente Digital TV