Tuir reinstrusaun ba Konsellu Diretór no nomeia ona membru foun atu servisu makas hodi halo mudansa ba kompañia ho objetivu atu hadi'a fali negósiu ne’e aéreu ne’e.
Iha estrutura foun ne’e, asionista Air Timor fó fiar ba, Fernando Da Silva sai nu'udar diretór Air Timor ne’ebé toma konta ba operasaun no manajementu, Francisco de Oliveira sai nu’udar diretór toma konta ba relasaun ho governu no PR, Maryam Alkatiri ba Diretora marketing, Collin Yap Chairman Non-Executive no Brenda Lei, Diretór finansas.
Tuir karta komunikadu ne’ebé INDEPENDETE asesu, Tersa (21/02) haktuir katak, Reestruturasaun ne’e nu’udar tuir kometimentu ne’ebé iha nanis ona katak, maioria membru diretór Timoroan.
Kada Diretór ne’ebé nomeia ona sira iha nia responsabilidade espesífiku atu kontrola, aspetu ida ne’e tuir ida-ida nia abilidade atu lori kompañia ba oin.
“Konsellu Diretór foun, sira ida-ida iha tarefa boot iha sira nia kabaas, maibé ha’u laran metin ho sira nia servisu hamutuk no sempre iha kompañia nia kotuk, mudansa sei akontese husi oinsá kompañia ne'e maneja anteriormente,” dehan Fernando da Silva.
“Ita tenke servisu makas atu hadi'a fali kompañia, atu hamos finanseiru, re-bond iha lokál no buras liu tan iha internasionál. Ami sei mantein atu dezenvolve operasaun rute husi Singapura ba Dili semana ida dala rua ho Silkair ho planu atu aumenta frekuénsia vou ba fim de tinan ida ne’e. Projetu seluk negósiu daudaun ona no sei anunsia bainhira konfirmadu,” tenik nia
Membru Foun Konsellu diretór ofisialmente aseita husi shareholder sira durante enkontru Jerál Espesiál ba Shareholders iha loron 16 Fevereiru iha Dili, Timor-Leste.
