Ministériu Transporte Komunikasaun Obras Públika (MOPTK) halo esforsu boot, uluk ema lamenta beibeik dehan xapa matríkula karreta nian laiha, uza surat tahan de’it, mais agora xapa matríkula bou hela ema seidauk foti, karta kondusaun mós hanesan.

Rui akresenta, sistema responde ona maibé agora presiza mós kolaborasaun husi konsumidór sira para responde.

Rui afirma, xapa matríkula gasta osan lubuk boot ida, depois bou hela iha ne’e, ema ida la utiliza. Entaun, presiza halo esforsu ida husi estadu, maibé mós husi komunidade rasik para atu servisu hamutuk iha área ne’e.

“Iha ona esforsu para atu desentraliza sistema dijitaliza halo di’ak liután, para moderniza liután servisu hirak ne’e, maibé ita presiza mós kolaborasaun husi komunidade hodi bele responde,” dehan nia.

Entretantu nia informa, Vise-MOPTK, Inácio Moreira rasik mós hateten, karta kondusaun mós lubuk boot ida, ema mai hasai tiha hotu lori mak temporariu ne’e, depois sira la ba foti definitivu, entaun buat ne’e bou hotu iha ne’ebá, hanesan mós ho xapa matríkula.