Xefe Governu hato’o kestaun ne’e relasiona ho deklarasaun husi Prezidente Repúblika Taur Matan Ruak ne’ebé hatete katak governu asina Memorandum of Understanding (MoU) 240 ho nasaun doadór sira, maibé foin implementa 21 de’it.
“Iha observasaun ida, la’os implementasaun mak la hotu, maibé iha akordu barak ita asina tiha seidauk lori ba retifika iha Parlamentu Nasionál,” dehan Rui ba Jornalista sira iha Palasiu Prezidente Nicolau Lobato Aitarak Laran-Dili kuarta (15/03).
Tuir nia, hafoin asina akordu Ministériu relevante mak buka forma oinsa atu halo implementasaun.
“La’os laiha implementasaun, klaru ke balun seidauk implementa ,balun que implementa (ona), maibé prosesu implementasaun ne’e depois akordu sira ne’e asina, Governu liliu Ministériu kompetente sira buka forma oinsa (atu) implementa,” dehan nia.
