Iha soru mutu ne’e, PM Rui hatete, informa ba Prezidente Repúblika kona ba Governu nian ba preparasaun ba eleisaun iha setór Seguransa durante Kampaña no eleisaun jerál.
“Ita hare primeira dia kampaña mosu problema uitoan iha Rai Kotu, PNTL atua kedan situasaun momentu ne’e seguransa la’o di'ak no garante di'ak to’o eleisaun remata”, dehan Xefe Governu iha Pallasu Prezidensiál- Ai tarak Laran-Dili, Kuarta (15/03).
Aleinde ne’e, PM Rui informa, Governu laiha kbiit haruka estudante sira iha Indonézia mai tuir eleisaun iha TL.
Estudante ba Munisípiu, PM Rui dehan, governu laiha kbiit fasilita estudante iha kapitál Dili ba tuir votasaun iha munisípiu tuir kartaun eleitorál.
Iha fatin ketak, Komunidade no estudante balun husu balun governu fasilita sira atu ba tuir votasaun tanba laiha kbiit atu selu transporte.
“Ita nia Governu tenke fasilita estudante sira ne’ebé laiha kbiit atu selu transporte ba sira nia hela fatin atu tuir votasaun”, dehan Hermínia hafoin dada lia ho jornalista Diáriu INDEPENDENTE iha Pallasu Prezidente.
