Diretór Nasionál Merenda Escolár Ministériu Edukasaun (ME) Belcior A. Barros Guerra fo sai katak,  ME transfere ona orsamentu ba programa merenda eskolar ba iha munisipiu hotu no realidade inisiu iha fulan Janeiru to’o ohin loron merenda eskolar iha eskola hotu seidauk la’o.

Ne’e la’os tanba de’it edukasaun iha munisipiu la halo servisu maibé buat hotu tuir nia sistema  no halo orsamentu mos tenke ho nia sistema.

“Foin dadauk Ha’u ba Maliana ha’u hare sira nia Sistema eskola ida ne’e maka afeita ba iha eskola. Maibe ami sempre halo monitorizasaun oinsa bele ajuda iha parte proposta ruma no oinsa maka sura osan ba iha eskola sira,” dehan Belcior ba jornalista iha  Delta Nova, Kuarta (22/03).

La’os programa merenda eskolar de’it maka la la’o maibé iha programa barak maka iha munisipiu la la’o.

Nia dehan, osan ida fulan tolu merenda eskolar la la’o ne’e sei nafatin iha kada munisipiu no osan ne’ebe eskola sira la uja jatamente  fulan tolu nian ne’e haruka mai fali ba iha kaixa estadu.

Hanesan mos iha tinan kotuk osan ne’ebe maka la uja ba merenda eskolar tenke fila fali mai kaixa estadu no tinan ne’e revolta fali osan kuaze $ 1 millaun  tanba de’it Sistema ne’ebe la klaru.