“Ami nia preokupasaun mak problema bee moos, tanba ohin Prezidente dehan katak saúde di’ak nasaun forte, maibé bee laiha hanesan de’it,” dehan Reprezentante Komunidade Aldeia Nato, Maria Luiza dos Santos, durante diálogu ho PR Taur Matan Ruak iha Suku Kuluhun, Segunda (23/01).

Nia dehan, bee moos sai hanesan problema boot ba ema hotu, maibé la’ós komunidade sira iha Kuluhun de’it krize bee moos, maibé  maioria povu iha territóriu laran tomak sei hasoru problema.

Maria dehan, problema bee moos la'ós ona novidade foun ba sira, tanba problema ne’e sira hato bebeik ba governu, maibé  governu sira kontinua la sente katak, bee moos la’os problema povu sira nia moris.

Ne’e duni, komunidade sira konsidera Governu hanoin deit sira nia interese la hanoin povu halerik ne’e.

Tuir nia katak, governu dada duni kanu bee moos tama sira nia aldeia, maibé kanu ne'e bee maran.

Problema ne’e rasik, Diresaun Nasionál Serbisu Água no Saneamentu (DNSAS) ba haree ona, maibé solusaun la iha.

“Ami husu beibeik ona, maibé  to’o agora seidauk responde saida mak ami hato’o ba,” tenik nia.

Iha fatin hanesan Xefe Aldeia Funu Hotu, Rogério de Araújo hateten bee moos ne’e sai preokupasaun boot ba komunidade sira iha aldeia refere.

Nia husu atu PR Taur hato’o preokupasaun ne’e, ba governu nia tilun hodi rona rona no sente povu nia problema.

Entretantu, Komunidade Aldeia Nato, António da Costa hatutan, uluk kedas sira ezije governu atu haree problema ne’e, maibé governu sente hanesan tilun diuk tiha.

Responde ba preokupasaun ne’e PR Taur  rekoñese bee moos ne’e problema duni, liu-liu ba sira ne’ebé hela iha foho leten.

Taur hatutan,  iha nia mandatu hela de’it fulan neen ona la konsege rezolve ona problema ne’e.

“Bee moos, iha problema duni, liu-liu sira iha foho leten hasoru problema, maibé agora ha’u nia mandatu hela de’it fulan 6 ona, ha’u labele halo buat ida,”  tenik nia.

Nia hatutan, atu rezolve problema bee moos la’ós iha aldeia postu Penál  de’it, maibé  tenke rezolve hotu kedas iha  territóriu tomak.

Tuir observasaun INDEPENDENTE iha terenu katak maioria komunidade sira ne’ebé hela iha kapitál Dili sei kontinua halerik ba bee moos.

Fatin sira ne’ebé enfrenta krize bee moos maka, Kuluhun, Taibesi, Bekora, Kamea, Komoro parte (Kampung Merdeka, Kampung Baru, Manleuana, Tasi Tolu no seluk tan