×

Atenção

JUser: :_load: Não foi possível carregar usuário com ID: 430

Eleisaun Prezidensial, UPM sei Reforsa Seguransa iha Lorosa’e

By Fevereiru 08, 2017 1138
Membru UPM Membru UPM

DILI: Atu garante seguransa durante tempu eleisaun Prezidensial ne’ebé monu iha 20 Marsu 2017, Unidade Polisia Maritima (UPM) koloka nia membru na’in 80 hodi reforsa seguransa iha Munisipiu Baukau, Vikeke no Lautem.

Komandante Unidade Polisia Maritima (UPM), Supertenideti Lino Saldanha dehan, membru UPM na’in 80 sei fó apoiu ba Unidade seluk husi PNTL atu asegura seguransa elisaun jeral.

“Ami-nia membru 80. Ami sei koloka hotu ba parte leste, Baukau, Vikeke no Lospalos hodi asegura segurasa ba elisaun jerál,” dehan Lino.

Tuir nia, UPM prontu ona atu ezekuta tuir orden Komando Operasaun nian hodi halo segurasa iha munispiu tolu ne’e.

Komandante UPM ne’e hatete, molok ne’e UPM mós fó apoiu segura ba elisaun suku.

PM Rui Garante Seguransa

Entretantu, Primeiru Ministru Rui Maria de Araujo garante katak situasaun iha eleisaun sei la’o ho di’ak.

PM Rui husu ba populasaun sira atu labele preokupa ho seguransa ba eleisaun, tanba Polisia Nasionál Timor-Leste (PNTL), inklui F-FDTL sei fó garante ba eleisaun Prezidensial no Parlamentar.

PM Rui husu ba povu TL tomak atu fó idaidak ninia kontribuisaun hodi garantia nafatin pas no estabilidade durante periodu eleisaun jeral.

Rate this item
(0 votes)

Independente Digital TV