Prezidente Repúblika Taur Matan Ruak hatete kestaun ne’e ba komunidade sira liu husi dialogu komunitaria iha suku Maleubu, Postu Administrativu Bobonaro, Munisipiu Bobonaro.

“Ha’u kontra hanorin labarik sira ho lian materna, tanba labarik sira ne’e importante tenke hatene lian portuges, tanba portuges mak hanesan lian ofisial, la’os ba inventa fali hodi hanorin labarik sira ho lian materna,” dehan PR Taur iha Maliubu, Tersa (07/02).

Tuir Taur, nia oan sira laiha obrigasaun atu hatene lian makasae, tan ne’e nia haruka nia oan sira ba eskola iha eskola Portugues.

“Ha’u nia oan sira la obrigatoriu atu hatene lian makasae, ha’u haruka ba eskola iha portuguesa tanba ne’e ha’u hakarak profesor sira ne’e hanorin estudante sira ne’e ho lian portugues, maibé programa ida ne’e uluk maun Xanan nia kaben maka halo, maibé halo tiha maun Xanana nia oan ba eskola fali iha Australia,” dehan PR Taur.

Xefe Estadu akresenta, labarik sira mak futuru nasaun tanba ne’e profesores sira tenke honorin ho lian ofisial no lian internasional.