Problema ida ne’e akontese durante tinan tomak (2016) iha Suku Tebabui  , Postu Adminitrativu Bobonaru, Munisípiu Bobonaru.

“Mudansa klimátika ne’ebé akontese iha 2016, kuandu ita haree ba tempu pasadu, bailoro fulan 6, udan fulan 6, maibé iha 2016 laiha loron, udan hela de’it, entaun populasaun labele fila rai, sira labele kuda batar, ho ida ai han ba ami nia suku (Tebabui) menus liu,” dehan povu Agrikultor Afonso Soares Maia  iha dialogu aberta ho PR Taur, horisehik.

Hataan ba Preokupasaun ne’e, PR Taur dehan, problema mudasa klimatika tinan ne’e afeta iha Timor laran tomak.

Alende udan makas liu, akontese mós bairoloro naruk (El-Nino) hodi halo bee matan lubuk ida maran no duut la mate, halo karau lubuk ida mate.

“Iha Dili mós komunidade sira informa katak, sira hamlaha tanba udan been ladi’ak, batar mate hotu,”dehan PR Taur.

Tuar husu ba xefi suku no prezidente autoridade munisípiu sira bainhira haree povu balun menus ai han tenke hato’o ba Ministériu Solidariedade Sosiál (MSS) atu fó apoiu hahán.