Adriano dehan, tuir peskiza ne’ebé sira observa, konstrusaun autór estrada ne’e, taka dalan ba komunidade ba sira nia to’os lori sira nia produtu atu mai iha merkadu nian dalan taka tomak.

“Kestaun agora halo auto estrada atu ba fali rate no ba to’os  laiha  ona dalan. Tanba auto estrada ne’e ateiru rai metru 78 metru taka tomak estrada no povu atu ba ne’e labele ona liu-liu atu lori rai henek ho fatuk ba iha rate no moris fatin,” dehan Adriano ba jornalista sira iha plenáriaa segunda (24/04).

Nia dehan povu tesi ai teka, lori batar husi toos atu ba fa’an iha Suai vila mós la di’ak hotu.   

Tanba ne’e, Deputadu ne’e husu ba Ministériu Obras Públiku (MOP) atu loke dalan ne’e, para komunidade sira bele lori sira nia produtu sira husi to’os ne’e bele lori ba merkadu ka lori ba uma.

“Ha’u husu ona Ministériu Infraestrutura atu loke luan dalan ne’ebé komunidade sira nia moris fatin bele asesu ba dalan,” dehan Adriano.

Tuir nia katak, governu bele halo dezenvolvimentu, maibé labele taka dalan ba povu ninia atividade loro-loron.

Tuir nia katak, dezde projetu auto estrada ne’e halo taka dalan halo povu Suku Lavarai hamutuk aldeia hitu (7) bokan la di’ak.