Diretór Ezekutivu HNGV José António Guterres hateten, agora iha hela téknika geomedikal ne'ebé HNGV husu ajuda atu hadia no hatene ona failansu mákina nee, no iha posibilidade atu sosa foun hodi troka.
“Mákina sira ne’e ita nia governu maka sosa liu husi tenderizasaun no nia durasaun balu tinan 5 no balu tinan 4. Folin mákina ne’e depende ba nia marka,”dehan José ba Jornalista iha nia knaar fatin HNGV, Tersa(29/03).
Mákina Hemodeialisi fase raan ne’e ho nia marka rua hanesan Gambro ho nia presu rihun $ 45 no marka Bibrao ho nia presu rihun $ 58 depende ba kotasaun ne'ebé tama.
HNGV la hatene mákina hirak ne’e sosa husi nasaun ne'ebé tanba kompañia maka manan tenderizasaun.
Governu liu husi Ministériu Saúde (MS) halo tenderizasaun ba kompañia Granter no kompania Gunung Mas, hola iha tinan 7 liu ba.
