Situasaun ne’e mak hatudu husi xefe tribunál nian bainhira hasoru Prezidente Repúblika iha loron (18/4), horisehik. Kondisaun saúde ne'ebé la aguenta atu la’o, tanba atu hakat ba oin ema ruma tenke tebe ninia ain-karuk, maibé ho vontade nafatin hodi kumpre ninia devér.

Ema ne'ebé akompaña nia (Guilhermino) sempre tebe ninia ain-karuk mak foin bele la’o hakat. Haree ba situasaun ne’e, Xefe Estadu Matan Ruak tenke tun husi sala reuniaun hodi mai hasoru Prezidente Tribunál Rekursu iha sala vizita.

Liu tiha diskusaun entre lideransa órgaun soberania rua ne’e iha tempu minutu 15 nia laran, Prezidente Taur akompaña Guilhermino sa’e karreta hodi fila ba ninia servisu fatin.

Hakat sai husi sala enkontru nian, kuaze minutu sanulu mak foin sa’e karreta. Tanba ninia ain ema sempre tebe husik kotuk mak foin bele la’o.

Nune’e jornalista sira labele halo entrevista ho Prezidente Tribunál Rekursu tanba kondisaun saúde la premite.