Ministru Defeza no Seguransa José Agostinho Sequeira ‘Somotxo’, rekoñese durante ne’e iha instituisaun seguransa naksobu tanba hahalok polítiku na’in sira nian hodi submete sira-ninia interese iha laran.

“Ami polítiku na'in sira mak sala, tanba estratéjia dezenvolvimentu institusionál la’ós kompeténsia ba komandante jerál, maibé ne’e ba polítiku sira para atu tuur iha kadeira ministru defeza no seguransa nian”, dehan nia iha Palasiu Nobre, foin lalais ne’e.

Somotxo hatutan, kompeténsia ba komandante jerál ne’e katak estratéjia tátiku operasionál, ne'ebé mai husi servisu loroloron nian. Atu dezenvolve instituisaun PNTL ne’e knaar polítiku sira nian, tanba ne’e mak dezenvolvimentu polisia ne’e to’o ona iha ne'ebé bele hatene.

“Ha’u haree tinan 10 ona ha’u akompaña, ha’u haree no hatene didi’ak dezenvolvimentu PNTL to’o iha ne’ebé, inklui mós nivel kondisaun”, tenik nia.