DILI: Ministru Defeza no Seguransa mós preokupa ba servisu PNTL ne’ebé seidauk hatudu loloos ninia profisionalizmu hodi garante lei no orden.

Haree ba situasaun ne’e, Ministru Somotxo prontu hodi dezenvolve instituisaun PNTL durante tempu ninia ukun.

“Parte ida ne’e kaer metin ona ha'u, atu ha'u iha ona forsa hodi fó atensaun”, dehan nia.

Nia dehan, Polisia nia servisu todan, ne’e duni tenke esforsa aan halo servisu ho profisionalizmu hodi garante funsionamentu instituisaun Estadu nian.

Tanba ne’e, Ministru Somotxo prontu ona atu halo mudansa ba institusionál hodi garante seguransa iha rai laran.