Governu fó apoiu nafatin para hetan dalan ne’ebé di’ak liu ba TL para hetan dezenvolvimentu Greater Sunrise, tanba kuandu la hetan solusaun dalan dezenvolve Greater Sunrise bele iha fronteira marítima, maibé laiha konsekuénsia pozitiva komersiál finanseiru ba TL.
Ne'e duni, Governu apoia nafatin Xanana nia-mandatu nu’udar Xefe negosiadór atu kontinua esforsu atu hetan solusaun ba dezenvolvimentu Greater Sunrise nian.
Iha akordu ne’ebé Timor-Leste ho Austrália asina ona ne’e la mensiona kona-ba akordu komersiál, finanseiru no tekniku kona-ba esplorasaun Greater Sunrise.
Ne’e duni, bainhira Ministru Agio fila mai Timor Governu sei husu atu bele briefing, tanba hetan ona akordu fronteira marítima, maibé seidauk iha akordu ba kampu mina Greater Sunrise.
