“Objektivu prinsipal husi estadu emerjensia mak taka ema labele tama husi rai li'ur mai, halo kuarentena no izolamentu obrigatoriu, no mós fó poder ba governu foti ema-nia propriedade privadu sira hanesan otel, karik estadu presiza foti, hanesan mós industria hirak ne’ebé mak produs maskra medikamentu, no akolhol sira governu bele ba foti," dehan Ministru Fidelis iha salaun TradeInvest, Kolmera, Segunda (30/03).

Fidelis hatutan, se laiha estadu emerjensia governu laiha poder atu halo ida ne’e. Kompradór La Kumpri Regras Loza na'in sira iha kapital Dili lamenta ho atetude kompradór balun ne'ebé la kumpre regras ne'ebé governu fó sai ona.

Jestór Supermerkadu Mey Mart, Danny hatete, nia parte kumpre regras husi governu hodi prepara bee no sabaun atu konsumedór sira bele fase liman molok tama ba sosa sasan.

Aleinde ne'e, nia dehan, nia parte prepara mós termo scaner hodi halo teste ba kada kompradór ne'ebé atu tama ba sira-nia fatin.

Maibé, nia hatete, problema ne'ebé sira hasoru mak kompradór balun lakohi fase liman, la uza maskra no la hamriik tuir espasu ne'ebé sira prepara ona.

“Ami implementa ona regras ne’ebé governu hatun, so ke konsumedór sira la halo tuir,” dehan jestór ne'e iha Audian, Domingu (29/03).

Jestor ne'e hatutan, bainhira kompradór sira la halo tuir regras no ninia funsionariu ba hase, kompradór ne'e fila hirus fali nia funsionariu sira.