Diretóra Nasional Kontrolu Moras Josefina Clarinha João hatete, suspeitu ida ne’ebé hatudu sintomas Covid-19 muda ona ba fatin izolamentu ne’ebé governu prepara hodi bele halo observasaun no hasai ona amostra hodi halo teste.

“Ha'u so bele dehan katak iha ema ne’ebé komesa hatudu sintomas (Covid-19) maibé ha'u labele dehan ninian fatin kuarentena hodi labele kria pániku,” dehan Diretóra ne'e liu husi ninia pajina facebook, Segunda (30/03).

Nia hatete, amostra ne'e sei teste iha laboratoriu nasionál Timor-Leste hafoin manda ba Royal Hospital Australia hodi cross check.

Suspeitu ne'e, nia hatete, sei kontinua hela iha fatin izolamentu to'o ninia rezultadu teste sai. Bainhira rezultadu negativu, nia hatete, sei muda fila fali ba kuarentena hodi kontinua kumpre durasaun tempu kuarentena.