Tuir observasaun, INDEPENDENTE Online, tersa (19/5) iha Parlamentu Nasionál, nota katak meza PPN baku fila husi Deputadu Jose Virgilio no Deputada Bisoi.

Kazu ne'e akontese tanba Bankada Partidu tolu hanesan PLP, FRETILIN no KHUNTO ne’ebe tenta hadau meza PPN nian.

Deputadu CNRT Virgilio ne’ebe hakilar loke hirus matan dehan CNRT sei la fo fatin ba se de’it atu sama konstituisaun.

Hanesan juventude rejistensia ne’ebe uluk mos defende rai no la fo fatin ema halo violasaun ba konstituisaun.

Tuir observasaun Bankada PLP nia deputadu maioria tuur ho PD, Frente mudansa, PUDD ne’ebe hili dalan tuur hakmatek maibe FRETILIN ho CNRT maka hakilar malu iha plenaria laran.

Oras ne’e daudaun polisia husi BOB iha ona sala plenaria laran maibé ho hamrik hakmatek la halo reasaun ruma.

Deputadu Antonino Bianco husu ba polisia atu halo atuasaun ba deputadu sira ne’ebé sobu ona fasilidade orgaun soberania nian.

Maibé deputadu CNRT Jose Virgilio hatan katak Polisia laiha direitu atu tama plenaria. Iha sala laran deputadu sira husi bankada CNRT hakilar Viva CNRT.