Items filtered by date: Maiu 2019

DILI: Lia-fuan ne’ebé deputadu Sabino Soares “Guntur” hasai liu husi media sosial Facebook sai naruk. Bankada FRETILIN iha Parlamentu Nasionál ezije ba deputadu PLP ne’e atu husu deskulpa.

Iha facebook ho ID “Guntur Matebian Timur” nu’udar ID husi atual deputadu PLP Sabino Soares “Guntur” hakerek lia-fuan “goblok” ne’ebé refere ba PR Lu Olo relasiona ho lista indultu ne’ebé governu aprezenta.

DILI: Polemika ba relatoriu Komisaun Inkeritu Parlamentar (KIP) ba projetu 143 sei kontinua. Iha rodada (ronde) foun ida ne’e, bankada FRETILIN duun Prezidente Parlamentu Nasionál Arão Noe subar relatoriu KIP hodi proteje ema balun.

DILI: Prezidente Repúblika Francisco Guterres Lu Olo hataan ba preokupasaun públiku ba lista indultu ne’ebé governu aprezenta ba nia. Tuir Lu Olo maske nia iha direitu atu fó indultu ba prizioneiru ida, maibé tenke mós tuir lei ne’ebé iha.

PR Lu Olo hato’o deklarasaun ne’e relasiona ho polemika ne’ebé mosu iha públiku ba lista indultu, liu-liu tanba iha mós naran husi eis membru governu na’in tolu, eis Ministru Edukasaun João Cancio, eis Sekretariu Estadu Obras Públika Domingos Caero, no eis Sekretariu Estadu Meiu Ambiente Abilio Lima, ne’ebé tama prizaun tanba kazu korrupsaun.

DILI: Bankada opozisaun iha Parlamentu Nasionál konsidera kontratu ne’ebé Timor Gap halo ho kompaña husi Xina hodi konstrui portu Beasu la transparensia.

Deputadu Bankada FRETILIN Joaquim dos Santos hatete, nia parte konsidera kontratu ne’ebé Timor Gap halo ho kompaña Xina nu’uda ajudikasaun tanba la tuir prosesu aprovizionamentu.

DILI: Prezidente Repúblika (PR) Francisco Guterres Lú Olo preokupa ba informasaun falsu ne’ebé ohin loron buras iha media sosial, liu-liu Facebook. Tuir Xefe Estadu ne’e, ida ne’e sai hanesan risku boot ba demokrasia.

Prezidente Repúblika hato’o kestaun ne’e bainhira ensera konferensia internasional Dili Dialog Forum ne’ebé realiza iha Salaun Katedral Vila Verde, Sesta (10/05).

DILI: Eis-membru governu sira ne’ebé tama prizaun tanba envolve kazu korrupsaun iha posibilidade sei hetan indultu. Tuir Lei Númeru 5/2016 kona-ba Konsesaun Indultu no Komutasaun Pena, perdaun ne’e labele fó ba ema sira ne’ebé komete kazu krime organizadu no terrorizmu.

DILI: Hanoin kona-ba transferensia soldadu FALINTIL Forsa Defeza Timor Leste (F-FDTL) ba Polisia Nasionál Timor Leste (PNTL) husik hela preokupasaun balun iha públiku nia leet.

Balun hanoin katak transferensia ida ne’e di’ak, tanba estadu la presiza gasta ona osan hodi halo rekrutamentu no klaru katak ema sira ne’e iha ona abilidade.

DILI: Ministériu Justisa (MJ) rekomenda ba Prezidente Repúblika, Francisco Guterres Lu Olo, atu fó indultu ba prizioneiru na’in 60, inklui prizioneiru ba kazu korrupsaun (eis-membru governu) na’in tolu.

Ministru Justisa, Manuel Carceres hatete, ministériu nia knaar mak halo ona prosesu hodi haruka ona prezu sira-nia naran ba gabinete PR atu hetan indultu.

Hakarak lee kompleta iha jornal emprime, edisaun tersa (7/5) iha kapital Dili ou kontaktu direita ba diresaun Jornal INDEPENDENTE, iha Hudi Laran Dili....

DILI: Ministériu Públiku rejeita informasaun ne’ebé espalla iha públiku katak deskonfia autór hatama droga, halai sai ona husi Timor-Leste. 

Prokuradór Jerál Repúblika (PJR), José da Costa Ximenes, rejeita informasaun ne’ebé espalla katak arguidu ba kazu hatama droga ho inisiál AXP halai sees ona husi Timor-Leste.

DILI: Vise-Prezidente Parlamentu Nasionál (PN), Luis Roberto husu ba membru Komisaun Inkeritu Parlamentar (KIP) atu re-embolsa osan estadu hamutuk rihun $79 ne’ebé sira gasta ona.

Razaun husi Vise-Prezidente PN ne’e tanba KIP gasta ona osan ho kuantidade boot maibé laiha rezultadu servisu.