DILI: Maske governu Timor Leste esforsu hela atu salva kazal Timor-oan ne’ebé hatama droga ba Indonezia, maibé konsidera todan tanba lei Indonezia no Timor Leste nian ne’ebé la hanesan. Ministru Justisa Manuel Cárceres rasik deklara presiza milagre atu salva kazal Timor-oan ne’e.
Taka Festa, “Hafuhu” Fila Baku Festa-nain
ORAS hatudu ona tuku 3.00 madrugada. Festa-nain, Frander Lopez, deside hodi taka ‘serimonia’ dansa ne’ebé namanas hela. Maibé, menutu balun hafoin desizaun ne’e tuun, festa-nain ne’e hetan baku.
Iha 22 Janeiru, Frander realiza ‘festa kiik’ hodi selebra ninia aniversariu ne’ebé monu iha loron ne’e.
KAK: Tula Familia ne’e Problema
DILI:Komisariu Komisaun Anti Korrupsaun (KAK) Sergio Hornai hatete, ekipa konjunta halo kapturasaun no detein infrasór sira ne’ebé uza patrimoniu estadu la tuir regra ne’ebé defini ona iha dekretu lei númeru 8/2003.
Iha operasaun ne’ebé ekipa konjunta halo, Sergio dehan, konsege deteta katak iha funsionariu nasionál no intenasionál ne’ebé hala’o hela sira-nia funsaun iha Timor Leste uza patrimoniu estadu sees husi oras serbisu no la halo serbisu propriu tuir lei haruka.
Iha Ulmera Dada Bandeira Meia Haste
DILI:Komunidade Suku Ulmera, Postu Administrativu Bazartete, Munisípiu Likisá, lutu ba Saudozu Jaime Ribeiro ‘Samba Sembilan’ liuhusi dada bandeira meia haste.
“Merese duni dada bandeira meia haste ba saudozu Samba, tanba ninia sakrifísiu ba luta naruk no todan tebes, tanba nia moos hanesan aman lutadór ba rai ida ne’e,” dehan Asistente Polítika Rejiaun III, Pascoal Ximenes Pereira Nixon.
DILI: Karreta Ajensia Dezenvolvimentu Nasionál (ADN) ne’ebé autoridade prende iha duni karta autorizasaun atu halo movimentu sees husi oras serbisu, maibé uza sala tanba tula fali feen ho oan ba haan.
Tuir informasaun husi Diresaun Tranzitu Nasionál, Polisia Nasionál Timor Leste (PNTL), karreta ADN ho matrikula 05-348G ne’ebé prende iha Domingu (30/06), kondus husi konsultór ADN ne’ebé identifika nu’udar sidadaun Indonezia.
Funerál Saudozu Samba Hein PR Lú Olo
ULMERA: Prosesu funerál ba Saudozu Jaime Ribeiro ‘Samba Sembilan’ sei hein Prezidente Repúblika, Francisco Guterres ‘Lú Olo’ fila mai Timor-Leste, tanba sei halo tratamentu saúde iha estranjeiru.
Tuir planu, saudozu sei haloot iha Sesta (5/7), maibé tanba Xefe Estadu foin to’o fila hikas mai Timor-Leste iha loron hanesan, oras lokraik nian. Ne’e duni prosesu funebre sei adia fali ba loron Sábadu (6/7).
PN Fó Votu Pezar Ba Samba Sembilan
DILI:Parlamentu Nasionál (PN) liu husi sesaun plenária fó votu pezar ba matebian Saudozu Jaime Ribeiro ’Samba Sembilan’, ne'ebé hakotu ona ninia peregrinasaun iha mundu ne’e.
Sesaun Votu Pezar husi PN ba Saudozu, dirije husi Vise-Prezidente PN , Maria Angelina Sarmento ho totál votu afavor 52, kontra no abstensaun laiha.
Veteranu Tenke Hetan Tratamentu Saúde Espesiál
DILI:Bankada Partidu Demokrátiku (PD) iha Parlamentu Nasionál (PN), ezije ba Governu tenke fó tratamentu saúde espesiál ba veteranu tanba ho sira mak ohin loron nasaun ne’e hetan independénsia.
Prezidente Bankada PD, António da Conceição ‘Kalohan’ hateten, atu tau atensaun ba veteranu sira ne’e la’ós ba sira ne’ebé hetan kargu iha tempu rezisténsia no ohin loron hetan kargu iha independénsia ne’e, maibé tenke tau atensaun médiku nia ba sira ne’ebé kolaboradór hotu.
DILI: Ratifikasaun tratadu Fronteira Marítima (FM), ne’ebé tuir planu sei realiza iha loron 30 Agostu 2019, bankada opozisaun Partidu Demokrátiku (PD) sei fó apoiu tomak, maibé husi Partidu FRETILIN rasik seidauk klaru tanba sei hein hela manuál proposta alterasaun lei husi governu.
PM Taur Hato’o Sentidu Kondolénsias
ULMERA:Primeiru-Ministru, Taur Matan Ruak, ne’ebé hanesan mós Eis Xefe Estadu Maiór FALINTL, hato’o sentidu kondolénsias ba família enlutadu, hosi eis-Segundu Komandante FALINTIL Rejiaun III Sentru Leste, Jaime Ribeiro ‘Samba Sembilan’ ne’ebé fila hikas ona ba mundu seluk iha loron 30 Juñu 2019.
More...
Adeus Samba! Ami Sei Hamutuk ho O-Nia Família
ULMERA: Timor-Leste ‘lutu’ tan dala ida tanba lakon tan asuwa'in funu na’in ida ne’ebé luta iha ai-laran durante tinan 24 nia-laran. Jaime Ribeiro ‘Samba Sembilan’ hakotu iis hafoin hetan atake tensaun iha ninia rezidénsia Ulmera, Likisá, Domingu (30/6).
Eis-Komandante Em Chefe das FALINTIL, Kay Rala Xanana, hato’o sentidu kondolénsias ba saudozu Jaime Ribeiro ‘Samba Sembilan’ no sente lakon ninia elementu di’ak ida ne’ebé fó aan tomak ba prosesu luta libertasaun nian.
Tribunal Rekursu Anula Kazu Eis MF Emilia Pires
DILI: Tribunál Rekursu (TR) liu husi Juis Koletiva deside anula kazu eis Ministra Finansa Emilia Pires hodi husu ba tribunál primeira instansia atu hadi’a prosesu, molok foti desizaun defivitivu.
Iha Tribunál Primeira instasia nia deside aplika pena prizaun tinan 7 ba arguida Eis Ministra Finasas Emilia Pires tanba komete kazu krime Partisipasaun Ekonomi no negosiu.
DILI: Primeiru Ministru Taur Matan Ruak aseita ho pedidu Xefe Negosiadór Delimitasaun Fronteira Marítima, Kay Rala Xanana Gusmão hodi hato’o pedidu ba Parlamentu Nasionál (PN) atu ratifika dokumentu Tratadu Tasi Timor entre Timor-Leste ho Austrália, iha loron 30 Agostu 2019.
DILI: Komisaun Anti Korrupsaun (KAK) halo pasa revista ba karreta estadu nian ne’ebé halo movimentu iha tempu feriadu. Nune’e, iha operasaun ne’ebé halo konsege prende veíkulu husi instituisaun Estadu nian lubuk ida.
Operasaun konsege prende mós karreta husi Ajénsia Dezenvolvimentu Nasionál (ADN), Ministériu Públiku (MP), FALINTIL-Forsa Defeza Timor-Leste (F-FDTL), Polisia Nasionál Timor-Leste (PNTL), inklui instituisaun sira seluk.
Independente Digital TV
Trending
Latest
Tuir ami iha Twitter
Online Independente
Avenida Delta, Hudi Laran, Dom Aleixo
Dili, Timor-Leste
- Editor:
Jose Sarito Amaral - Saturnina da Costa
Jornalista:
Ivonia Varela
Kontaktu:
(+670) 77358204
(+670) 78579261