Kuarta, 24 Abril 2019 | Login
Komandante Jerál Polísia Nasionál Timor Leste (PNTL), Komisáriu Júlio da Costa Hornay Komandante Jerál Polísia Nasionál Timor Leste (PNTL), Komisáriu Júlio da Costa Hornay

Tinan ne’e, PNTL Sei Rekruta Joven 520 Featured

DILI: Komandante Jerál Polísia Nasionál Timor Leste (PNTL), Komisáriu Júlio da Costa Hornay, hateten, iha fulan Dezembru, tinan ne’e, PNTL seik rekruta kandidatu hamutuk 520.

“Sei hein sistema free balance bainhira loke ami sei halo (rekrutamentu) iha inisiu Dezembru”, dehan Komandante Jerál PNTL, iha Palasiu Prezidensiál Bairru-Pité, Sesta (19/10).

Nia dehan, joven sira ne’ebé iha interese atu serve Estadu liu husi instituisaun Polísia bele kompete.

Ne’e duni, husu ba joven sira ne’ebé hakarak tama PNTL bele aplika tuir selesaun pasa hodi treinu atu sai membru Polísia.

Nia hatutan, husi totál númeru ne’e, kandidatu 260 maka sei tuir formasaun ba faze dahuluk ba restu iha faze ikus nian.

Kritériu prinsipál atu sai membru Polísia maka tenke saúde di’ak, altura prienxe rekizitu no laiha rejistu kriminál ruma.

 

Read 1419 times
Rate this item
(0 votes)