Tuir komunikadu ne’ebé diáriu ne’e asesu katak, Hakerek Ai-Knanoik ho Lian Tetun timor-oan na’in haat mak Jorgino Tellukoro Dos Santos ho títulu Loron Hitu iha tinan 2014, Matan Been Sai Osan Mean hakerek husi Liberti Santa Meliana iha 2015, Hateten Obrigada ba Dezafiu husi Águeda Magno iha 2016 no títulu Laiha Rohan husi Jorgino Tellukoro dos Santos iha tinan 2017.
TimorAid fahe prémiu ba manán na’in Kompetisaun Hakerek Ai-knanoik ho lian Tetun (KHAT) 2018
Primeiru prémiu Anabela Maia Santos ho Livru “Liurai Ama Lelo nia Kastelu”, segundu prémiu, Esteviana Maria Celina Amaral de Fátima, ho livru “Saudades” no terseiru Prémiu, Agustianus G.b.de Araújo, ho livru, Maria Dosi 2 Anju Domin”.
TimorAid mós fó atribuisaun prémiu ba hakerek na’in foin sa’e ne’ebé di'ak liu (The most talented young writer) ho naran Jorgino Tellukoro dos Santos.
Konvidadu espesiál (VIP) ne’ebé marka prezensa iha serimónia ne’e maka, Sekretáriu do Estadu de Arte e Kultura, Teófilo Caldas, Embaixadór Nova Zelándia,Vicki Poole no MISAO MINAMI, Embaixador Japaun nia espoza.
Obrigadu ba kontestante sira hotu, ba ekipa juri KHAT 2018 nian, ba belun sira hotu ne’ebé mai partisipa serimónia ne’e. No Obrigadu ba Maun Abé Barreto ho nia ekipa banda múzika.
TimorAid fó agradesimentu ba Institutu Français Timor-Leste, ba apoiu publikasaun livru tolu, manán na’in kompetisaun 2014-2016.
No obrigadu wa’in tebes ba Governu Nova Zelándia,liu husi embaixadora Vicki Poole, hanesan doadór prinsipál ba publikasaun livru “Laiha Rohan” Vensedór KHAT 2017 nian no kompetisaun 2018.
