Udan Been Nalihun, Aprendizajen EBF Fatuhada Paradu Featured

By Marsu 16, 2018 1052
EBF Fatuhada EBF Fatuhada

DILI: Hafoin udan boot kuaze oras tolu nia laran, hamosu inundasaun iha Eskola Báziku Filiál 1 no 2. Nune’e, profesór sira deside hodi hapara prosesu aprendizajen, iha Kinta (15/3), tanba uma eskola nakonu ho tahu.

Akontesimentu dezastre naturais ne’e obriga estudante 1.603 sakrifika sira nia estudu hodi iha loron ida nia laran halo limpeza ba sala 7 ne’ebé bee tama.

Udan boot bee sa’e to’o sala eskola laran. Tanba ne’e, ohin ha'u fó férias ba estudante primeiru anu to’o terseiru anu”, dehan koordenadór EBF 1 no 2 Fatuhada, Zacarias da Conceição, iha nia-servisu fatin, horisehik.

Bee tama iha eskola ne’e tanba valeta iha eskola oin kloot, nune’e bee nakonu tenke nalihun tama ba resintu eskola nian.

Dezastre naturais ne’e la'ós foun, maibé akontese ona iha tinan 2014 liubá. Ne’e duni, iha tempu V Governu nian husi eskola hato’o ona proposta kompleta dezeñu ho Bill of Quantity (BoQ) ba ministériu edukasaun, maibé la konsege implementa.

Nune’e, VI Governu eskola aprezenta tanba proposta foun, maibé seidauk tau konsiderasaun ba problema ne’e.

Ne’e duni, husu ba ministériu relevante atu tau matan lalais ba situasaun ne’e, atu ba futuru labele prejudika ba prosesu aprendizajen estudante sira nian. 

Rate this item
(0 votes)

Independente Digital TV