×

Atenção

JUser: :_load: Não foi possível carregar usuário com ID: 424

JUser: :_load: Não foi possível carregar usuário com ID: 428

JUser: :_load: Não foi possível carregar usuário com ID: 425

Tempu Bada, KAK Lansa Sela Detensaun Featured

By Abril 25, 2017 1615
Ilustrasaun sela ba koruptor sira Ilustrasaun sela ba koruptor sira

DILI: Konstrusaun sela ne’ebé Komisaun Anti Korrupsaun (KAK) prepara atu ‘sulan’ funsionáriu sira ne’ebé utiliza sala patrimóniu Estadu prontu ona. Tanba ne’e, iha tempu badak sei lansa hodi funsiona fatin ne’e.

Adjuntu Komisaun Anti Korrupsaun (KAK), Rui Pereira hateten, iha tempu badak laran sira sei halo lansamentu ba sela detensaun.

“Funsaun públika sira depois ami kaer ema ami sulan iha ne’ebá”, dehan nia, iha Fundasaun Oriente, Bidau-Lesidere, horisehik.

Rui reforsa, sela ne’e halo prontu tiha ona, maibé agora sei mamuk hela.

“Ami nia podér no direitu atu sulan ema ne’e durante oras 72 de’it”, tenik nia.

Movimentu Karreta Estadu Menus

Entretantu, tuir observasaun KAK nian, karreta estadu ne’ebé halo movimentu iha tempu feriadu menus ona, tanba monitorizasaun makaas husi KAK.

Iha tinan kotuk, KAK servisu hamutuk ho Polisia Nasionál Timor-Leste (PNTL) konsege apreende karreta estadu hamutuk neen nulu resin (60). Iha tinan ne’e seidauk hala'o, maibé iha ona planu atu reativa hikas operasaun.

Maski nune’e, tuir Rui, kompara ho uluk agora movimentu karreta estadu nian ba pasiar iha Áreia Branka hahú diminui ona.

Nia dehan, karreta estadu hirak ne’e utiliza balun la tuir dalan, liuliu iha tempu kampañia nian. Tanba ne’e, ba oin sira sei sempre tau matan ba karreta estadu. 

Rate this item
(0 votes)

Independente Digital TV