Segunda Oin, Paixão ho Kandidatu Ministru Sira Seluk Simu Posse Featured

By Jullu 06, 2018 1161
Brigadeiru Jeneral Filomeno paixao sorumutu ho Primeiru Ministru Taur Matan Ruak Brigadeiru Jeneral Filomeno paixao sorumutu ho Primeiru Ministru Taur Matan Ruak

DILI: Brigadeiru Jenerál Filomeno Paixão ho kandidatu ministru sira seluk sei simu posse ba segundu faze nian, iha segunda oin (9/7).

Paixão informa planu simu posse ne’e, hafoin halo sorumutu ho Primeiru Ministru Taur Matan Ruak, Sesta feira ne’e iha Palasiu Governu.

Tuir planu, Brigadeiru General Filomeno Paixão sei simu posse husi Xefe Estadu nuudar Ministru Defeza. Paixão la esplika klaru ema na’in hira mak sei hamutuk simu posse .

“Sr. Primeiru Ministru mak bolu ha’u atu mai hasoru nia, tanba ha’u sei simu posse ho Ministru sira seluk iha Segunda feira” dehan Brigadeiro General ba media sira, hafoin remata audiénsia ho Xefe Governu.

Vise-CEMGFA ne’e, liu husi reuniaun Concelho Superiór Defesa e Segurançã (CSDS) Kinta horseik iha Palasiu Prezidente Nicolau Lobato, ho unaminidade simu ona proposta ezonerasaun hosi VIII Governu Konstituional no hein Xefe Estadu atu hasai Dekretu Prezidente nian hodi ofisializa ezonerasaun refere.

Rate this item
(0 votes)
Last modified on Sexta, 06 Jullu 2018 17:14

Independente Digital TV