Sexta, 06 Dezembru 2019 | Login
Parlamentu Nasional Parlamentu Nasional

Parlamentu Hasai Imunidade Deputadu Leandro Lobato Featured

DILI: Parlamentu Nasionál (PN) liu husi votasaun sekretu deside hasai imunidade ba deputadu Bankada Kongresu Nasionál Rekonstrusaun Timor Leste (CNRT) Leandro Lobato  atu ba hataan kazu deskonfia baku ema iha Likisá iha tinan 2017.

Levantamentu imunidade ba deputadu Leandro Lobato atu bele hala’o prosedimentu prosesu penál tuir pedidu tribunál ho votu  afavor 35, kontra 4, abstensaun 1 ho totál bulletin votus 40.

 “Ha’u disponivel hataan no koopera ho justisa hanesan ema sidadaun ha’u lakohi imunidade atu taka iha parte justisa nian,” dehan nia  iha PN-Dili,horisehik.

Tuir nia, tribunál halo pedidu levantamentu imunidade tanba deskonfia komete Kazu ofensa korporais simples tuir kódigu penál Timor Leste nian.

“Iha ha’u nia kompaneiru ida mak basa sira, maibé prontu nia mós ladun satisfeitu no nia (Lezadu) hakarak hetan justisa ha’u prontu  atu presta deklarasaun  kuandu tribunál suspeitu  ha'u,” dehan nia.

Tuir planu Tribunál Distritál Dili sei hala’o julgamentu iha loron 30 Setembru 2019 ba  Kazu ofensas korporais simples ne’ebé akontese iha 2017 iha munisipiu Likisa, ne’ebé deskonfia envolve husi Deputadu Leandro Lobato.

“Ha’u lakohi ko'alia iha tendénsia ruma, maibé disponivel momentu ne'ebé de'it la'ós kazu todan ne’ebé ha’u sempre koopera tempu ne’ebé de’it,” dehan nia.

Read 1571 times
Rate this item
(0 votes)