Xefe Estadu Tuar Matan Ruak haruka Lei Pensaun Vitalisia ba Tribunál Rekursu hodi halo fiskalizasaun preventiva inkonstitusionalidade iha loron 10 nia laran.
Nia dehan, Tribunal Rekursu involve fali prokuradoria jerál republika hodi halo fali fiskalizasaun abstra ba LPV ne’e hamosu konfuzaun tanba involve ona orgaun rua.
Kandidatura PR ne’e dehan, Prezidente Tribunál Rekursu fo hatene ona ba PN atu halo pro-anunsiamentu ida konaba LPV iha loron 10 nia laran.
“Ha’u lahatene desisaun Presidente tribunal rekursu husu mos ba prokuradoria jeral da republika para atu halo fiskalizasaun abastrata konaba lei ida ne’e” dehan Lu-Olo hafoin hasoru malu ho embaixador Ejiptu no Katar iha sede kampaña - Aimutin, Sesta (17/02).
“Ha’u la komprende didiak Presidente Tribunál Rekursu ninia pozisaun husu fali ba prokuradoria jeral da republika halo fiskalizasaun abstrata kona ba lei Pensaun Vitalisia”.
Nia dehan, Tribunál Rekursu hare iha artigu balun sofre inkonstitusionalidade husu ba parlamentu halo apresiasaun no lori ba Prezidente Republika tenke promulga “mau atau tida mau laiha veto do gaveta”.
