“KAK durante ne’e dezafiu lubuk ida maka ami enfrenta hanesan enkuadramentu legál mak seidauk kompletu. Ita seidauk iha vontade polítika ne’ebé di'ak husi na’i uluk sira ba servisu iha área justisa nian”, dehan nia, iha Uma Fukun PN, horisehik.

Ne’e duni, komisáriu KAK halo vizita ba PN hodi husu ba Prezidente PN atu tau konsiderasaun ba projetu Lei Anti Korrupsaun ne’ebé kaduka ona.

Nia esplika, enkuadramentu legál hanesan Lei Anti Korrupsaun no artigu ida kona-ba protesaun ba testemuña ba kazu ruma to’o oras ne’e seidauk iha, tanba ne’e funsionáriu sira seidauk brani atu denunsia kazu ruma ne’ebé akontese iha ministériu ne’ebé sira servisu ba.

Iha fatin hanesan, Vise-Prezidente Bankada Partidu Demokrátiku (PD), Adriano do Nascimento hatete, Lei Anti Korrupsaun ne’e sai hanesan kompromisu eleitorál PD nian ba povu eleitór sira, tanba ne’e pratu atu kontribui hodi produtór lalais lei ne’e iha V lejizlatura laran.