Sexta, 28 Fevereiru 2020 | Login
Fidelis Magalhaes Fidelis Magalhaes

FRETILIN-PLP Laiha Konkordansia ba Kompozisaun Meja Presidente PN Featured

DILI: Partidu FRETILIN ho Partidu Libertasaun Popular (PLP) seidauk iha konkordansia ba kompozisaun meja Presidente Parlamentu Nasionál.

Maski nune’e, tersa aban (5/9) loron ikus ba partidu mais-votadu FRETILIN atu deklara formasaun Governu no primeira plenaria parlamentu nasionál foun.

Iha diskusaun entre FRETILIN ho PLP, sabdu foin lalais, mosu diferensia ideia ba kompozisaun meja presidente parlamentu nasionál. FRETILIN hakarak avansa ho nia kandidatu, inklui PLP.

Vise Prezidente partidu PLP, Fidelis Magalhaes hatete, PLP nia posizaun lakohi iha potensia iha orgaun sira hotu.

PLP hanoin bainhira iha koligasaun, koligasaun tenke hamrik hamutuk no ideia ida. Maski  tuir nia katak komposizaun meja Parlamentu Nasionál ne’e teste ida ba forma oinsá koligasaun ne’e bele hamrik ho solidu ida ne’e baze primeiru ida ba PLP.

“Ami laiha akordu kona ba komposizaun meja ho FRETILIN ne’ebé nome hanesan bloku koligasaun nian, maka iha tersa 5 Setembru ami sei la’o ketak ketak, FRETILIN sei la’o ho ninia kandidatu, ami depois haree oinsa eskoila ami nia kandidatu ba meja Parlamentu Nasionál,” dehan Fidelis ba jornalista sira, hafoin remata inkontru ho partidu FRETILIN, iha Hotel Novu Turismu, Sabdu (02/09).

Nia dehan, prinsipiu PLP bainhira harii koligasaun ida hanesan bloku koligasaun komposizaun meja presidente parlamentu nasionál ne’e la fó ba partidu ida de’it, maibé fó mós ba PLP ho KHUNTO ne’ebé hola parte iha koligasaun.

Tanba ne’e PLP nia posizaun klaru, atu avansa ba oin tenke PLP iha ninia proposta rasik, kona-ba komposizaun meja prezidente parlamentu nasionál.

“Ami husu ba partidu, ami hanoin dehan importante ba partidu, so ne’e maka bele testa ita ninia sensiblidade ho onestidade ba koligasaun ida,” dehan Fidelis.

Besik fulan ida ona, FRETILIN nu’udar vensedór eleisaun parlamentár 2017-2022 konvida partido KHUNTO, PLP hodi halo diskusaun oinsa atu bele hamutuk forma governu.

Iha deskusaun ne’e, FRETILIN aseita halo koaligasaun ho partido KHUNTO ho PLP no hili insidénsia parlamentár ou inkluzaun ho partido sira seluk hanesan CNRT ho PD.

Entretantu, Adjuntu Sekertariu Jerál partidu FRETILIN, Jose Reis hatete, enkontru entre FRETILIN ho PLP koalia kona-ba tekniku meja parlamentár, hodi avansa kandidatu presidente parlamentu nasionál ba loron-tersa (5/9).

Maibé iha diskusaun entre partidu rua ne’e, Reis konfesa katak kestaun komposizaun meja parlamentu nasionál maka la too iha akordu ida.

“Ne’ebé iha tersa dia 5 Setembru maka ami avansa de’it iha Parlamentu Nasionál, kona-ba se maka atu kandidata ba meja presidente parlamentu nasionál, ami sei tuur hamutuk iha partidu para bele deside,”dehan nia.           

Read 1574 times Last modified on Kuarta, 06 Setembru 2017 09:36
Rate this item
(0 votes)
MidAd1