Sexta, 10 Abril 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-04-09&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Alkatiri Alkatiri

Alkatiri Dehan Deklarasaun TMR-Xanana La Vale Featured

DILI: Sekretáriu Jerál partidu FRETILIN, Mari Alkatiri konsidera deklarasaun husi lider másimu Aliansa Mudansa ba Progresu (AMP), Taur Matan Ruak ho Xanana Gusmão la vale.

Deklarasaun ne’e hasai relasiona ho ezijénsia Xanana no Taur Matan Ruak hodi haruka Alkatiri foti-ain husi Oekusi tanba votu ba partidu FRETILIN iha Oekusi la to’o rihun 20, tuir promesa ne’ebé halo ona iha tempu kampaña.

Alkatiri hateten, laiha kompromisu polítiku ruma ho povu Oekusi. Alkatiri dehan ko’alia halimar ho povu Oekusi, tanba husu votu rihun 18, maibé sira dehan bele halo to’o rihun 20. Entaun Alkatiri dehan tan katak, la to’o rihun 20, nia moe atu mai Oekusi, la'ós dehan atu rezigna aan.

“Eleisaun ne’e nasionál la'ós eleisaun ba Oekusi nian… Ha’u nia desizaun ne’e ha’u maka hatene atu halo desizaun saida. Agora sira nia argumentu ne’e tuir lei la válidu”, dehan nia, iha Palasiu Prezidénsia, Bairru-Pité, horisehik.

Ne’e duni, sente ‘makili’ bainhira rona deklarasaun husi lideransa AMP nian ne’ebé haruka Alkatiri sai husi Rejiaun Autónomu Espesiál Oekusi-Ambenu (RAEOA), tanba lei ZEESM nian define klaramente kona-ba mandatu prezidente autoridade nian.

“Ha’u la sai! Ne’e ha’u nia desizaun. Agora sira-nia argumenta ne’e la vale buat ida”, tenik nia.

Nia dehan, votu husi Oekusi kompara ho partidu koligasaun AMP, partidu FRETILIN nia-votu sei boot. Totál votu ne’ebé hetan iha rai ketan ne’e bainhira atribui ba partidu tolu (3) iha AMP laran kada partidu ida hetan de’it rihun 7, maibé FRETILIN sei boot liu tanba hetan to’o rihun 10.

Alkatiri esplika, bainhira nia ba Oekusi nu’udar Prezidente Autoridade ba Zona Espesiál Ekonomia Sosiál Merkadu (ZEESM) votu FRETILIN nian ki’ik liu ka iha de’it rihun neen (6.000), maibé agora aumenta votu 40%.

Antes ne’e portavós AMP, Taur Matan Ruak hateten, atu hasai Alkatiri husi Oekusi bazeia ba promesa ne’ebé halo ho povu Oekusi perante kampaña.

“Kestaun Oekusi ne’e iha buat rua, ida maka promesa husi Marí Alkatiri rasik katak kuandu votu la mínimu husi rihun 20, nia sei rezigna-aan husi Oekusi.

Nune’e mós Prezidente Aliansa Mudansa ba progresu AMP Xanana Gusmão hateten, hanesan ema polítiku desizaun iha Alkatiri nia liman.

Read 1424 times
Rate this item
(0 votes)
MidAd1