Alarma Xefe Estadu ba CNRT ho Nia Aliadu Featured

By Fevereiru 26, 2020 973
CNRT CNRT

DILI: Prezidente Repúblika Francisco Guterres Lú Olo fó alarma ba partidu CNRT ne'ebé forma ona koligasaun ho partidu politiku lima seluk atu hanoin didi'ak molok aprezenta lista membru governu, liu-liu ema na'in sia (9) ne'ebé iha governu daualu PR Lú Olo la fó pose.

Membru governu pendente na'in 9, liu-liu na'in 7 husi CNRT, sai nu'udar huun husi problema ne'ebé to'o ikus mai hamonu governu Aliansa Mudansa ba Progresu (AMP) ne'ebé lidera husi Primeiru Ministru Taur Matan Ruak.

Relasiona ho preokupasaun balun katak CNRT ho nia aliadu sira sei aprezenta fila fali naran husi membru governu pendente ne'e, PR Lú Olo husu ba sira atu hanoin didi'ak.

“Ida ne’e ema hotu hatene ona katak horbainhira la fó pose, agora ikus mai tanba de’it ema na’in sia vota kontra orsamentu, orsamentu ida ba povu tomak tanba de’it ema na’in sia nia halo governu Primeiru Ministru hanesan ne’e hela, ne’ebé atu aprejenta fila fali lista ema na’in sia ninian CNRT ka partidu sira nian hanoin halo didi’ak, ha’u repete tan hanoin halo didi’ak mak aprejenta,” dehan PR Lú Olo ba jornalista sira hafoin partisipa konferensia nasionál KAK ba dala 10 iha salaun Ministériu Finansas Aitarak Laran, Segunda (24/02).

Rate this item
(0 votes)

Independente Digital TV