Kinta, 27 Juñu 2019 | Login

Latest News

Preparasaun Planu OJE 2019, Liña Ministeriál Ezije Tuir Nesesidade

Kuarta, 24 Outubru 2018 10:18 Written by

DILI: Primeiru Ministru, Taur Matan Ruak, hamutuk membru Governu diskute preparasaun Orsamentu Jerál Estadu (OJE) 2019. Durante soru-mutu liña ministeriál balun hakarak aumenta orsamentu hodi responde nesesidade ministériu nian.

Ministru Reforma Lejizlativa Asuntu Parlamentár (MRLAP), Fidelis Magalhães hateten, diskusaun ne’e importante hodi hatene planu liña ministeriál kona-ba ezekusaun OJE 2019.

Tuir nia, ministériu ne'ebé finaliza ona mak Ministériu Saúde, Ministériu Edukasaun, Ministériu Agrikultura no Peska, Ministériu Prezidénsia Konsellu Ministru, inklui instituisaun autónoma Estadu sira seluk.

Tuir planu, diskusaun sei kontinua no termina iha loron (29/10), nune’e sei anunsia desizaun finál ba públiku no prepara proposta OJE 2019 ba Parlamentu Nasionál iha meadu Novembru.

Iha fatin hanesan, Vise-Ministru Saúde, Bonifácio Maucoli dos Reis hateten, diskusaun alokasaun envelope fiskál ne’ebé Ministeriál Saúde propoin tokon $41 hodi aloka ba kapitál menór ho transferénsia públika no aloka ba rekursu umanu tanba importante ba ezijénsia ministériu nian.

Nune’e, iha planu orsamentu ba Ministériu Saúde atu sosa tan ambulánsia multi-funsaun sanulu ba ospitál sira, inklui mákina fase raan ba HNGV ho ospitál referénsia sira territóriu laran.

“Ita adisional tokon $6 hodi aumenta tan, tanba nesesidade ospitál referénsia sira iha Timor laran tomak”, dehan Bonifácio, iha edifísiu Ministériu Finansas, Ai-Tarak Laran, horisehik.

Ministériu Saúde propoin tokon $41, maibé parte ekipa tékniku revizaun OJE 2019 propoin tokon $34 . Tanba ne’e, hakarak ezije tenke aumenta tokon $6 hodi kompleta tokon $41 nune’e hataan ezijénsia ospitál sira iha territóriu tomak inklui pesoál saúde sira.

Tuir nia, orsamentu sira ne’e atu rekruta pesoál saúde sira hodi destaka ba postu saúde no sentru saúde sira iha territóriu tomak.

Sosa ambulánsia ne’e importante, maski oras ne’e iha ambulánsia 20 maibé sanulu avaria ona, nune’e hela sanulu mak daudaun ne’e kobre iha territóriu tomak.

Maibé kustu sosa ambulánsia ne’e seidauk lansa informasaun bainhira OJE 2019 hetan ona aprovasaun mak espekula kona-ba montante orsamentu ne’ebé sosa ambulánsia.

Comment

Grupu Pelican Paradise Sei Harii Ótel Fitun-Lima Iha Tasi Tolu

Tersa, 23 Outubru 2018 10:17 Written by

DILI: Diretór Grupu Pelican Paradise, Datuk Edward Ong, akompaña hosi Diretór Ezekutivu TradeInvest Timor-Leste, Arcanjo da Silva hasoru malu ho Prezidente-da-Repúblika, Francisco Guterres Lú Olo.

Comment

MOP Identifika Projetu 96 iha Kontratu

Tersa, 23 Outubru 2018 10:01 Written by

DILI: Governu kontinua halo avaliasaun ba projetu 142 iha territóriu tomak. Nune’e rezultadu hatudu dokumentu Ministériu Obras Públika (MOP) identifika projetu 96 mak iha kontratu.

Comment

Popular News

DILI: Laiha garantia ruma ba funsionáriu públiku sira atu bele…
DILI: Rezultadu inspesaun ne’ebé Ministériu Komérsiu Indústria (MKI) halo iha…
DILI: Governu liu husi Ministériu Dezenvolvimentu Transporte no Telekomunikasaun (MDTT)…
DILI: Stock foos oras ne’e daudaun komesa menus ona iha…