Sábadu, 14 Dezembru 2019 | Login
Prezidente CCI-TL, Óscar Lima Prezidente CCI-TL, Óscar Lima

Setór Privadu Husu Governu Selu Dívida Tokon $450 Featured

DILI: Setór Privadu liu husi Kámara Komersiál Indústria Timor-Leste (CCI-TL) durante ne’e sira iha dívida ba governu liu husi projetu sira hamutuk tokon $450, tanba ne’e espera bele rezolve ona kestaun ne’e.

Prezidente CCI-TL, Óscar Lima hatete, ho programa ne'ebé aprova ona hein fali orsamentu atu bele pasa, nune’e bele trata situasaun ne’ebé uluk to’o agora seidauk rezolve.

“Ami espera Primeiru Ministru labele haluha nia knaar, nune’e bele solusiona problema ne'ebé ami hato’o ona”, dehan nia, iha knaar fatin, CCI-TL Akait, horisehik.

Nia dehan, problema mak dívida ne’e kestaun ne’ebé antigu ona no sira iha dívida ne’ebé boot hamutuk tokon $450, tanba empreza barak mak lulun biti ona.

Iha fatin hanesan, Vise-Prezidente For Investiment CCI-TL, Kathleen Gonçalves hatete, governu nia programa barak mak halai liu ba ekonomia nian, espera bele hamutuk ho setór privadu sira hodi dezenvolve nasaun ne’e.

Read 3912 times
Rate this item
(0 votes)