Tanba, komunidade hirak ne'e okupa espasu públiku hodi halo negosiu, maibé IX Governu konstituisional nia prezensa maka atu hadi’a ka re-organiza sidade hotu-hotu iha teritório Timor-Leste sai mos Organizadu Saudavél no Seguru (MOSS).
Sekretáriu Estadu Asuntu Toponomia no Urbana, Germano Santa Brites Dias hatete, komunidade hirak ne'e governu fó ona atensaun liu husi notifikasaun maibé sira la kumpri tanba nee governu uza lei hodi sobu orbigatóriu.
"Jestaun merkadu liu husi Munisípiu Dili ita avizu hahú husi Setembru to'o Janeiru ikus mai ita hasai notifikasaun mate tiha hasai fali foin dadauk mate mós la kumpri hakarak ka lakoi ita uza lei, lei ne'e mak bele regula ita hotu tanba ne'e husu par hotu-hotu tenki kumpri saida deit mak governu husu ba populasaun," dehan SEATOU iha Bidau Sengol, (16/07).
Governante esplika, komunidade hirak ne'e husu atu fila-fali ba fatin anteriór, tanba komunidade hirak nee maioria mai husi Bidau Mota Klaran, Bidau Tokobaru, Metiaut no Fatuhada nee mak okupa iha fatin refere.
Nia dehan, komunidade tenki husik hela fatin estadu nian atu nune'e governu bele halo dezenvolvimentu ruma, tan ne'e husu ba ema hotu-hotu tenki kumpri, obedese ba estadu.
Enkuantu, antes ne'e liu husi konferensia Imprensa SEATOU husu ona ba komunidade sira ne'ebé simu ona notifikasaun tenki hamamuk fatin, maibé komunidade sira la kumpri nafatin.
Nia dehan, komunidade sira ne'ebé simu ona notifikasaun husi Prezidente Autoriedade tenki prepara ona sira nia sasan hodi muda sai.
“Governu fó ona notifikasaun, se mak sente an dehan notisikasaun ne’e mate ona ne’e hatudu katak hein ezekusaun mai, governu fó dala ida ou rua hotu ona, lei mak obriga ami atu halo servisu ekipa tutur la halo servisu ida mesak-mesak ida ne’e,” dehan Sekretariu iha Edifisiu MAE, Tersa (09/04).