Governu Prepara Rai Hektares Rua Ba Negosiante Sira Hodi Halo Negósiu Featured

By Ivonia Varela Abril 17, 2024 884
Rai hektares rua ne’ebé Governu prepara ba negosiante sira atu halo negosiu, iha Manleuana, Postu Administrativu Dom Aleixu, Munisípiu Dili, (16/04/24). Foto: INDEPENDENTE. Rai hektares rua ne’ebé Governu prepara ba negosiante sira atu halo negosiu, iha Manleuana, Postu Administrativu Dom Aleixu, Munisípiu Dili, (16/04/24). Foto: INDEPENDENTE.

DILI: Governu prepara ona rai hektares rua iha Merakadu Manleuana, Postu Administrativu Dom Aleixu, Munisípiu Dili ba negosiante sira ne'ebé halao negosiu iha fatin públiku no dala ninin.

Sekretáriu Estadu Asuntu Toponímia no Urbana Germano Santa Brites Dias hatete, dadaun ne'e governu prepara ona fatin ba negosiante sira ne'ebé hala'o negosiu hanesan produtu lokal sira iha dala ninin no fatin públiku sira.
Tan nee na dehan, ba komunidade sira ne’ebé halo negósiu hodi okupa espasu públiku governu prepara ona fatin tan ne'e banhira prontu ona, ba sira ne'ebé hakarak halo negosiu bele ba.
"Ami la'o fahe servisu rua, ekipa ida ba hala'o verifikasaun terenu, ba fatin ne'eba haree, hektares rua ne'e ita sei uza hotu agora ita uza uluk metade, para lori tiha ita nia maluk vendedores sira liliu OB sira no sira ne'ebé faan produtu lokal sira,” dehan SEATOU iha Bidau Sengol, (16/07).
Nia dehan, negosoante sira ne'ebé ekipa husi jestau Merkadu atu lori uluk ba fatin ne'ebé dadaun ne'e governu prepara mak hanesan iha parte Fatuhada, Bairo-Pite, Elemloi, Aitarak-Laran no Kampung baru.
Nia afirma, tanba planu husi Munisipiu Dili nian diak tebes tan ne'e fiar katak merkadu sira ne'ebé hari iha tempu Indonezia no dadaun ne'e sei eziste, sei hadia hotu hodi bele koloka vendedores sira ne'e ba.
"Merkadu sira ne'ebé husi tempu Indonezia eziste hela hanesan Bekora, Maufelo, Ponte Benamau no merkadu Taibesi ita sei hadia tanba merkadu boot ita fiar katak banhira hotu vendedores kiikoan sira sei tama iha laran fatin sei to'o, satán ida Manleu nee hadia hotu fatin nee sufisiente los," SEATOU Hakotu.

Rate this item
(0 votes)

Independente Digital TV