“Ha’u sei halo esforsu makaas kuantu mais aprezentasaun Orsamentu Jerál Estadu 2018 nian ne’e sedu liu di'ak liután”, dehan Primeiru Ministru, Taur Matan Ruak, iha Uma Fukun PN, Sesta (27/7).
Nia hatutan, programa governu pasa ona, tanba ne’e faze tuir mai sei aprezenta tan OJE. Nune’e, fiar katak iha anu letivu 2019 governu bele implementa ona programa ne’ebé aprezenta ona.
Iha programa ne’e governu fó prioridade liu ba infraestrutura bázika hanesan bee moos, saneamentu, saúde, edukasaun, eletrisidade no estrada. Husi setór hirak ne’e VIII Governu mai kontinua de’it buat ne’ebé seidauk kompletu.
