Governu sei Fahe OJE Bazeia ba Programa Prioridade

Novembru 03, 2024

Ekonomia

Governu sei Fahe OJE Bazeia ba Programa Prioridade ^Featured

By Artur da Luz Jullu 27, 2018 7283

Fidelis Magalhães

DILI: Governu lori ona programa mai Parlamentu Nasionál atu halo diskusaun, bainhira programa pasa iha diskusaun Orsamentu Jerál Estadu (OJE), Governu sei fahe ba kada programa prioridade ne’ebé importante hodi dezenvolve Estadu ho povu durante mandatu ukun.

Ministru Reforma Lejilativa Asuntu Parlamentár, Fidelis Magalhães hateten, Governu hetan konfiansa husi povu, ne’e duni iha kualidade hodi ukun nasaun ne’e tuir mandatu tinan lima.

“Kometimentu Governu nian iha ona programa laran temi ona, hein diskusaun OJE 2018 mak haree”, dehan nia, iha aprezenta programa, iha Uma Fukun PN, horisehik.

Nia dehan, bainhira diskusaun OJE mak fahe anualmente hodi jere orsamentu tuir programa, ho intensaun atu lori povu ho Estadu bazeia ba kompromisu eleitorál ne’ebé antes ne’e hato’o iha kampaña.

Nune’e, Fidelis hateten, bainhira programa mak pasa hetan konfiansa reprezentante povu iha Uma fukun PN, sei implementa territóriu tomak ne’ebé ho objetivu atu aselera dezenvolvimentu iha períodu 2018-2023.

Rate this item

(0 votes)