Tersa, 18 Juñu 2019 | Login
PN Husu Governu Sobu Fatin Prostituta iha Merkadu Taibesi

PN Husu Governu Sobu Fatin Prostituta iha Merkadu Taibesi

DILI: Parlamentu Nasionál husu ba Governu liu husi Prezidente Autoridade Munisípiu Dili atu sobu sai fatin prostituta balun ne’ebé ema loke iha ambiente Merkadu Taibesi.

Deputadu sira konsidera merkadu nu’udar fatin atu negósiu, la’ós muda fali ba fatin negósiu prostituta ne’ebé bele hamosu moras HIV/SIDA.

Reprezentante povu sira ne’e husu ba Komisaun Nasionál HIV/SIDA atu tun ba halo investigasaun mós ba problema ne’e.

“Ne’e kestaun ida lad'iak, tanba estraga imajen vendedór sira balun nian, entaun presiza halo kontrolu rigorozu hodi kontrola ema labele ba hela fali iha merkadu,” dehan Deputada Benedita Magno ba INDEPENDENTE iha PN, horisehik.

Nia husu atu governu regulariza negosiante Merkadu Taibesi hanesan ho Merkadu Manleuana nian, dadeer mak negosiante ba fa'an sasán, no loko raik sira taka fila fali ba uma.

Iha fatin hanesan Deputadu Adriano João  husu atu governu tenke sobu sai fatin prostituta hodi fó fatin ba ema halo negósiu.

Antes ne’e, Prezidente Autoridade Munisípiu, Gaspar Soares dehan, foin lalais ne’e sira vizita ba fatin ne’ebá maka deteta iha duni atividade prostituta balun loke iha ne’ebá.

Read 2331 times Last modified on Tersa, 24 Janeiru 2017 14:40
Rate this item
(1 Vote)