Domingu, 25 Agostu 2019 | Login
PM Rui - PR Taur Deskute Planu Dezenvolvimentu 2017 Foto: Timor Hau nia Doben.

PM Rui - PR Taur Deskute Planu Dezenvolvimentu 2017

DILI: Primeiru Ministru (PM) Rui Maria de Araújo hasoru malu ho Prezidente Repúblika (PR) Taur Matan Ruak hodi deskute kona ba planu ba dezenvolvimentu  2017.

Enkontru Xefi Governu Rui no PR asiste hosi Ministru Estadu, Prezidensia Konsellu Ministru, Agio Pereira no Ministru Administrasaun Estatal (MAE) Deonizio Soares Babo.

Rui hateten, durante enkontru governu hato’o informasaun ba PR  konaba politika governu iha tinan 2017 nian ba liña jerais atuasaun governu nian.

“Aproveita hato’o informasaun balun 2017 ba oin liña jerais atuasaun governu nian sei iha ne’ebé de’it, ami hato’o ba Prezidente,” dehan Rui ba jornalista iha Palasiu Aitarak Laran-Dili kinta (05/01).

Nia hatutan iha 2017 ne’e governu sei kontinua konsentra nafatin prestasaun de serbisu hotu-hotu Governu iha responsabilidade fó ba populasaun depois kontinua jere nafatin investimentu ne’ebé halo ona iha tinan 2016 no iha kapital umanu. 

Entretantu Xefe hatutan, sira ko’alia mos kona ba aspeitu orgaun eleitores sira ne’ebé sei hala’o nia serbisu iha festa demokrasia eleisaun jeral tinan ida ne’e nian serbisu. 

Nune’e mos bele prepara kria kondisaun balun kona ba tekniku atu nune’e orsaun eleitores sira hanesan STAE no CNE bele organiza eleisaun ne’e ho di’ak.

“Depois aspeitu importante ida iha atuasaun Governu nian iha 2017 nia laran sei kontinua, oinsa kria kondisaun teknika para orgaun eleitores sira hanesan CNE ho STAE bele hala’o sira nia serbisu organiza eleisaun Prezidente no Parlamentar,” tenik nia. 

Nune’e mos Governu sei hala’o reforma ne’ebé hahú iha 2015 reforma boot haat iha programa governui ba reforma fiscal hodi dezenvolve ekonomika no administrasaun publika.

Read 491 times Last modified on Sábadu, 21 Janeiru 2017 08:52
Rate this item
(0 votes)