“Ha’u hanoin ita tenke kria politika ida redús foos importasaun hodi fó prioridade ba produtu rai laran atu nune’e motiva povu agrikultura sira prodús labele tinan aprova osan investe fali ba iha nasaun Vietnam, Indonézia, Thalandia,’’ dehan Inocencio ba Jornalista iha nia knaar fatin Faról, horiseik.

Tuir Peskizador AJAR, Inocencio katak, kada tinan –tinan estadu aprova orsamentu montante boot ba governu atu aujuda povu agrikultura sira, maibé too agora ai han iha TL kontinua la sufisiente.

Nia hatete, MAP tenke investe orsamentu makas ba iha setór agrikultura hodi hadia infranstrutura baziku hanesan irigasaun atu nune’e fasilita povu agrikultura halo natár no toos oinsá hasae produsaun ai han iha rai laran.

Hataan ba preokupasaun ne’e, Administrador CLN, Nivio Magalhaes hatete MKIA atu sosa foos importasaun tanba foos rai laran seidauk sufsiente hodi responde ba konsumi rai laran, Nia dehan, la’ós governu latau atensaun maibè planu politika governu nian hodi redús importasaun foos rai liur, oinsá tau prioridade atu sosa produtu lokál, tau osan sosa hare produtu haree, koto, formungu oinsá asegura iha armajen governu nian hodi responde ba program merenda eskolar, no normaliza folin iha merkaduria.