×

Atenção

JUser: :_load: Não foi possível carregar usuário com ID: 428

JUser: :_load: Não foi possível carregar usuário com ID: 424

JUser: :_load: Não foi possível carregar usuário com ID: 425

MEKAE Louva Grupu VECOM Kapasita Joven iha Área Ortikultura

By Fevereiru 03, 2017 2431
Ministru Estadu Koordenadór Asuntu Ekonomia no Ministru Agrikultura no Peskas (MEKAE) Eng, Estanislau Aleixo da Silva Ministru Estadu Koordenadór Asuntu Ekonomia no Ministru Agrikultura no Peskas (MEKAE) Eng, Estanislau Aleixo da Silva INDEPENDENTE

LAUTEM:Ministru Estadu Koordenadór Asuntu Ekonomia no Ministru Agrikultura no Peskas (MEKAE) Eng, Estanislau Aleixo da Silva louva ba inisiativa Timoroan hodi harii Grupu VECOM Lorosa’e hodi fó apoiu formasaun ba juventude sira iha área ortikultura no agrikultura nian.

Grupu VECOM Lorosa’e ne’e harii hosi, Atuál Deputada Parlamentu Nasionál, Brígida Correia ho objetivu atu kapasita joven sira iha área ortikultura, hanesan iha hakiak karau, fahi, no agrikultura nian.

“Ha’u sauda no louva ho inisiativa Deputada Brígida hodi fó oportunidade ba estudante sira ne’ebé remata ona sira nia estudu iha agrikultura nian,”dehan Estanislao Aleixo  durante vizita ba Sentru Grupu VECOM iha Fuiloro-Luatem, horisehik.

Durante vizita, Estanislau husu atu estudante sira ne’ebé kapasita aan iha VECOM bele halo proposta hodi hato’o ba MAP hodi fó apoiu ruma ba sira.

Durante ne’e, estudante sira fila rai mamuk lubuk ida hodi kuda hana no ai han oin-oin.

Iha fatin hanesan Deputada Brígida Correia nu’udar na'in ba VECOM Lorosa’e hateten sira agradese ho vizita governu bele haree diretamente sira nia programa formasaun ba joven sira no barak maka remata ona sira nia estudu no simu graduasaun.

Brígida konfesa katak, durante grupu ne’e harii, nia rasik fó apoiu no foin primeiraves MAP vizita ba fatin ne’e.

"Ha’u halibur alin sira hamutuk na’in 9 maibé la’ós mai husi Lospalos no durante nee sira halo atividade ortikultura tanba fatin ne'e ha’u haree importante tebes tanba seidauk iha ema ida mak sai ezemplu ba área ida ne’e," nia informa.

Nia dehan, ai han sira ne’ebé estudante sira produs iha toos sira halo akordu hodi hodi fa’an no hanesan ninia porsentu hanesan.

Grupu ne’e harii iha tinan 2014, hetan apoiu husi Finlándia ho orsamentu rihun $3500 hodi halo uma.

Rate this item
(0 votes)

Independente Digital TV