Governu hakarak, INTL sai hanesan Institutu Públiku ho Autonomia adminitrativa tékniku finanseira mesak.
“Hodi bele dezenvolve ita nia gráfika nasionál ne’e ba imprensa ida ne’ebé mak bele halo servisu di’ak ba iha públiku no estadu,” dehan Sekretáriu Estadu Konsellu Ministru (SEKM), Avelino Coelho ba jornalista, iha Palasiu de Governu, Tersa (31/01).
Coelho dehan, durante ne’e Ggrafika Nasionál seidauk sai empreza, maibé agora sai ona hanesan institutu públiku ho empreza públika.
Durante ne’e, Gráfika Nasionál halo ona servisu lubuk ida hodi produs dokumentu importante estadu nian inklui produs buletin votus no livru oin-oin.
